Ақтөбе облысы Денсаулық сақтау басқармасының басшысы болып Рүстем Исаев тағайындалды, - деп хабарлайды Tengrinews.kz тілшісі аймақ әкімдігінің Instagram-дағы ресми парақшасына сілтеме жасап.
44 жастағы Рүстем Исаев Ақтөбе мемлекеттік медицина университеті мен Қ.Жұбанов атындағы Ақтөбе өңірлік университетінің түлегі.
Еңбек жолын 1993 жылы Хромтау аудандық орталық ауруханасында реанимациялық бөлімнің санитары болып бастаған.
Әр жылдары Ойыл аудандық орталық ауруханасында хирург-дәрігер, дәрігер-анестезиолог-реаниматолог, бас дәрігердің емдеу ісі жөніндегі орынбасары, Хромтау аудандық орталық ауруханасының бас дәрігері болып еңбек еткен.
Денсаулық сақтау басқармасының басшысы қызметіне тағайындалар алдында "Ақтөбе медициналық орталығын" басқарған.
Қазақстан жаңалықтары. Соңғы жаңалықтар. Telegram желісінде бізге жазыл!
