Қазақстанның көптеген облыстарында ауа температурасы климаттық нормадан 3-7 градусқа жоғары болады. Кей жерлерде найзағаймен өткінші жаңбыр өтеді, назағайда дауылды желдің күшейуі және бұршақ болуы мүмкін, - деп хабарлайды Tengrinews.kz тілшісі "Қазгидромет" мамандарына сілтеме жасап.
1 тамызда Атырау, Қызылорда, Оңтүстік-Қазақстан, Жамбыл, Алматы облыстарында, Батыс-Қазақстан, Ақтөбе, Қарағанды облыстарының кей жерлерінде өте жоғары өрт қаупі сақталады.
"1 тамызда Шығыс-Қазақстан облысының кей жерлерінде жел 15-20, күндіз 25 м/с күшеюі күтіледі, жекелеген аудандарында бұршақ, дауыл болуы мүмкін. Батыс-Қазақстан, Атырау, Ақтөбе, таңертен және күндіз Қостанай облыстарының кей жерлерінде жел 15-20 м/с күшеюі күтіледі, бұршақ, дауыл болуы мүмкін. Оңтүстік-Қазақстан, күндіз Қызылорда облыстарының кей жерлерінде жел 15-20 м/с күшеюі шанды дауылмен күтіледі. Күндіз Жамбыл облысының кей жерлерінде желдің күшеюі 15-20 м/с күтіледі. Павлодар, түнде және таңертен Ақмола, Солтүстік Қазақстан облыстарының кей жерлерінде тұман күтіледі", - деп болжам жасады синоптиктер.
