Синоптиктер 2019 жылдың 2-4 сәуір аралығында ауа райы қандай болатынын айтты, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
"Сәуір айында циклонмен байланысты синоптикалық процестер күшейе бастайды. Қазақстанның орталығында орналасқан циклон 2 сәуірде шығысқа қарай жылжиды, оның орнына антициклон орнайды. Бірақ антициклон да тұрақталмайды, өйткені оның орнына Жерорта теңізінің шығыс аймағынан кезекті циклон жылжып, алдағы үш тәулікте республиканың басым облыстарында ауа райын анықтайтын болады", - делінген хабарламада.
Мамандардың айтуынша, Республиканың басым бөлігінде жаңбырмен бірге найзағай, қатты екпінді жел, солтүстік облыстарда кей жерлерде жауын-шашын, 4 сәуірде тек шығыста күтіледі. Ауа температурасы көктемге тән: оңтүстікте плюс 15-25 градус және солтүстік облыстарда плюс 5-15 градус болады деп күтіледі.
