+7 (777) 001 44 99
ПОДЕЛИТЬСЯ
Прокуратура Алматыдағы Әлеуметтік бейімдеу орталығының жұмысын тиімсіз деп тапты деп хабарлайды Tengrinews.kz тілшісі. Қадағалаушы органның баспасөз қызметінің мәліметінше, қаладағы үй-күйі жоқ адамдарға арналған жалғыз мекеменің өз жұмысын орындауға шамасы келмей отыр. Тексерістің нәтижесінде Әлеуметтік бейімдеу орталығының директоры Николай Коротицкий жұмыстан шығарылды, ал мекеменің тоғыз қызметкері тәртіптік және әкімшілік жауапкершілікке тартылды. Прокуратураның мәлімдеуінше, орталық құрылған уақытынан бері баспанасы жоқ адамдарға тек қонатын орын және тамақ беруді ұйымдастырумен ғана айналысқан. Ал оларды қалыпты өмір салтына қайта әкелу жөнінде мәліметтер жоқ. Қадағалаушы орган мекемеде медициналық қызметтің көрсетілуіне де кінә қойып отыр. Прокурорлардың мәліметінше, медициналық пункттің жеті қызметкерінің тиісті сертификаты жоқ және атқарып отырған қызметтері бойынша міндетті біліктілік арттырудан өтпеген. Орталық медициналық препараттар мен тағам өнімдерін жоғары бағамен сатып алып отырған. Мекемеде қызметкерлердің жалақысы да тым жоғарылатылған.
Прокуратура Алматыдағы Әлеуметтік бейімдеу орталығының жұмысын тиімсіз деп тапты деп хабарлайды Tengrinews.kz тілшісі. Қадағалаушы органның баспасөз қызметінің мәліметінше, қаладағы үй-күйі жоқ адамдарға арналған жалғыз мекеменің өз жұмысын орындауға шамасы келмей отыр.
Тексерістің нәтижесінде Әлеуметтік бейімдеу орталығының директоры Николай Коротицкий жұмыстан шығарылды, ал мекеменің тоғыз қызметкері тәртіптік және әкімшілік жауапкершілікке тартылды. Прокуратураның мәлімдеуінше, орталық құрылған уақытынан бері баспанасы жоқ адамдарға тек қонатын орын және тамақ беруді ұйымдастырумен ғана айналысқан. Ал оларды қалыпты өмір салтына қайта әкелу жөнінде мәліметтер жоқ. Қадағалаушы орган мекемеде медициналық қызметтің көрсетілуіне де кінә қойып отыр.
Прокурорлардың мәліметінше, медициналық пункттің жеті қызметкерінің тиісті сертификаты жоқ және атқарып отырған қызметтері бойынша міндетті біліктілік арттырудан өтпеген. Орталық медициналық препараттар мен тағам өнімдерін жоғары бағамен сатып алып отырған. Мекемеде қызметкерлердің жалақысы да тым жоғарылатылған.
