+7 (777) 001 44 99
Қазақша
Русский
English
Қостанайлық тұрғынның әлеуметтік желідегі парақшаларынан экстремистік мазмұндағы фотолар мен аудиолар табылды, - деп хабарлайды Tengrinews.kz тілшісі.
Полицейлер интернетті мониторинг жасап, 20 жастағы ер адамның парақшасынан діни мазмұндағы суреттер мен аудио жазбаларды тапқан. Дінтану сараптамасының нәтижелері бойынша, бұл материалдарда діни экстремизм идеологиясын насихаттауға және таратуға шақырулар бары анықталды.
"Қостанайдың 20 жастағы тұрғынының әрекетінде Қазақстан Республикасының Әкімшілік құқық бұзушылық туралы Кодексінің 453-бабының 4-бөлігінде көзделген "әлеуметтік, нәсілдік, ұлттық, діни алауыздықты қоздыруға бағытталған материалдарды ҚР аумағында сақтау, әкелу, тасымалдау, тарату" әкімшілік құқық бұзушылық құрамының белгілері анықталды", - деді Қостанай облысы полиция департаментінің баспасөз қызметінің өкілдері.
Сот шешімімен ер адам әкімшілік жауапкершілікке тартылып, оған 194 460 теңге (70 АЕК) көлемінде айыппұл салынды. Қостанай облысы полиция департаментінің экстремизмге қарсы іс-қимыл басқармасы өңір тұрғындарына жеке басының қауіпсіздігі және жақындарының қауіпсіздігі мақсатында күмәнді сайттар мен топтарға кірмеуді сұрайды.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
