+7 (777) 001 44 99
Қазақша
Русский
English
Алматы облысындағы таулы аймақтарда ыстық ауа райына байланысты сел жүруі мүмкін, - деп хабарлайды Tengrinews.kz тілшісі "Қазгидромет" мамандарына сілтеме жасап.
"Алдағы үш тәулікте 26-28 шілде аралығында ауа температурасының жоғарылауына байланысты Алматы облысындағы таулы аймақтарда сел жүруі мүмкін", - делінген хабарламада.
Еске сала кетейік, осыған дейін алдағы күндері 45 градусқа дейін ыстық болатыны хабарланған болатын. "Республикамыздың оңтүстік жартысында қатты ыстық күтіледі, ауа температурасы 40-45 градусқа дейін жоғарылайды. Ал еліміздің солтүстік жартысында ауа температурасы 27-33, ал кейбір жерлерде 35-38 градусқа дейін жоғарылайды деп күтіледі. Ыстық ауа райына байланысты бірнеше облысқа ескерту жарияланды", - делінген еді синоптиктер жариялаған хабарламада.
