Алматы - Ташкент тасжолында тұрып қалған автобустағы 26 адам құтқарылды, - деп хабарлайды Tengrinews.kz тілшісі ҚР ІІМ Төтенше жағдайлар комитеті баспасөз қызметіне сілтеме жасап.
Алматы - Ташкент тасжолында тұрып қалған автобустағы 26 адам құтқарылды, - деп хабарлайды Tengrinews.kz тілшісі ҚР ІІМ Төтенше жағдайлар комитеті баспасөз қызметіне сілтеме жасап.
Оқиға Жамбыл облысы Қордай ауданында болған. Салонында 45 адамы (оның ішінде бесеуі бала) бар Yutong маркалы автобус Шымкент - Алматы бағытында кетіп бара жатқан. Техникалық ақауларға байланысты көлік осы тасжолдың 240-шақырымында тұрып қалған.
"Оқиға орнына жеткен құтқарушылар мен полицейлер 26 адамды (оның ішінде бесеуі бала) Қордай автовокзалына эвакуациялады. Сосын микроавтобуспен олар Алматыға жөнелтілді. Қалған 19 жолаушы эвакуациялаудан бас тартып, өздігінен жол-жөнекей кетіп бара жатқан көліктерді тоқтатып, мініп кеткен", - делінген ТЖК баспасөз қызметі.
Комитет мәліметінше, барлық жолаушылар - Қазақстан азаматтары.
