Алматыда Медеу ауданына жаңа әкім тағайындалды, - деп хабарлайды Tengrinews.kz тілшісі. Аудан басшысының қызметіне Ержан Жылқыбаев келді.
"Медеу - күрделі аудан. Мұнда Алматы халқының 12 пайызы тұрады. Бұл туризм және халықтың қолы босаған кезде келетін орны. Мұнда "Шымбұлақ" пен "Медеу" бар. Сонымен қатар, мұнда зиялылар қауымы тұрады. Аудан алдында үлкен міндеттер тұр. Біз кандидаттарды ұзақ таңдадық, соңында Ұлттық комиссияның ұсынысын қабылдап, Ержан Жылқыбаев осы қызметке лайық деп шештік. Ол экономика саласында үлкен тәжірибеге ие", - деді Алматы әкімі Бауыржан Байбек.
