Алматыда жартылай жалаңаш ер адам № 92 бағыттағы автобус жолаушыларының зәресін алды, - деп хабарлайды Tengrinews.kz тілшісі. Куәгерлер болған жайды видеоға түсірген.
"92-ші автобуста бүгін бір есуас кондуктор болды. Мас, бірдеңе деп айғайлады. Жолаушылардың барлығы таңғалды", - дейді куәгерлердің бірі.
"Грин бас" автопаркінің өкілдері ер адамның компания қызметкері еместігін мәлімдеді.
"Ол адам кондуктор емес. Саяхат маңында автобусқа отырып, жолаушылардан ақша сұрайды. Біз анықтадық, бізге мүлде қатысы жоқ", - дейді "Грин бас" ЖШС-ның Алматыдағы филиалының директоры Бауыржан Құлышев.
Автопарк өкілдері жолаушыларға полицияға хабарласуға кеңес берді.