1. Басты
  2. Біл
  3. Жаңалықтар
  4. Ел жаңалықтары

Алматы облысында жалпы сомасы 7 миллион теңге болатын "Азитромицин" тәркіленді

Видео кадры Видео кадры

Алматы облысында жалпы сомасы 7 миллион теңге болатын дәрі тасып келе жатқан автокөлік ұсталды, - деп хабарлайды Tengrinews.kz тілшісі Қаржы мониторингі комитетіне сілтеме жасап. 

2020 жылдың 6 шілдесінде Алматы - Бішкек трассасында Экономикалық тергеу департаментінің қызметкерлері дәрі-дәрмектерді рұқсат құжаттары мен лицензиясыз заңсыз сатқан тұлғаларды ұстады.

Тінту барысында 10 қорап (әр қорапта 242 данадан) жалпы соммасы 7 миллион теңге болатын "Азитромицин" препараты анықталған. Аталған дерек бойынша ҚР Қылмыстық кодексі 214-бабы бойынша тергеу басталды. 

Сондай-ақ 5-6 шілде аралығында дәрі-дәрмекті тасымалдауға байланысты 18 заң бұзушылық (Нұр-Сұлтан, Шымкент, Маңғыстау облысы, БҚО, Алматы, Атырау облыстарында, ШҚО, Қарағанды, Қостанай, Павлодар, Түркістан облыстарында) анықталған. Одан бөлек, жалпы сомасы 727 миллион теңге болатын 182 мың қорап дәрі тәркіленген. 

Қазақстан жаңалықтары. Соңғы жаңалықтар. Telegram желісінде бізге жазыл!