+7 (777) 001 44 99
Қазақша
Русский
English
Алматыда 70-ке жуық үй суық сусыз қалды. 11 мамырда құбыр жүйесіндегі апат салдарынан көпқабатты 15 үй мен 45 жеке үй судан ажыратылды. "Алматы су холдингі" МКК баспасөз хатшысы Серік Шағыров Tengrinews.kz тілшісіне оқиғаға жүйелердің әбден тозғаны себеп болғанын айтты.
Оның мәліметінше, Алматыдағы 3000 шақырымдық су құбырларының 70%-дан астамының мерзімі өткен. Жоғарыда аталған үйлерге қоса, кішкентай ақаудың салдарынан тағы сегіз үй суық судан ажыратылды. "Ақсай" 3б және "Баянауыл" ықшамаудандарында 60 үйге бүгін сағат 18.00-ге дейін суық су қайта берілетін болады.
"Алматы су холдингі" өкілдерінің айтуынша, 3-ықшамаудандағы көпқабатты екі үйге сағат 14.00-де суық су түгел берілуі тиіс. "Сағат 10.00-ден бастап, Сәтбаев - Сейфуллин қиылысындағы үйлер судан ажыратылды. Ол жерде құдық тесілген. Сәтбаев көшесінде 18 д, г, в және 20 а үйлері, Желтоқсан көшесінде 177 а, Сейфуллин даңғылында 546-үй сусыз қалды", - деді Шағыров.
Шағыровтың мәліметінше, 14 мамыр күні Саин көшесіндегі жаяулар өткелі аумағында жөндеу жүргізілуіне байланысты бұл маңдағы үйлерге су беру тоқтатылады. "Орбита - 1, 2, 3, 4" және "Мамыр - 1-7" ықшамаудандарында да суық су уақытша ажыратылады. Айта кетейік, бұған дейін жүйелерге жүргізілетін гидравликалық сынаққа байланысты Алматының кейбір аудандарының күзге дейін ыстық сусыз қалуы мүмкін екені хабарланған болатын. Қай жерлерде жөндеу жүргізілетінін мына жерден көруге болады.
