Алматыда баланы ұрып жіберген интернат тәрбиешісі видеоға түсіп қалды

03 Қазан 2018, 11:09
0
Алматыда баланы ұрып жіберген интернат тәрбиешісі видеоға түсіп қалды - Видеодан алынған кадр
Видеодан алынған кадр

Алматыда баланы шымшылап, оны бетінен ұрып жіберген интернат тәрбиешісі жұмыстан шығарылды, - деп хабарлайды Tengrinews.kz тілшісі.

Бұл оқиға 1 қыркүйекте, дүйсенбіде жағдайы төмен отбасылардан шыққан балаларға арналған №10 жалпы білім беретін интернатта болған.

Тәрбиеші үш оқушыны тақтаға шығарып, сыныптастарының көзінше айғайлай бастаған. Тіпті бір оқушының қолынан жұлқылап, бетін шымшып, ұрып жіберген.

"Біздің өзіміз есеңгіреп қалдық. Мектеп директоры бұл жайлы кеше ғана естіп, бірден шаралар қабылдады. Тәрбиеші педагогикалық этиканы бұзғаны үшін жұмыстан шығарылды. Әйел өз кінәсін мойындады. Баланың ата-анасы шағым түсірген жоқ. Қазіргі уақытта білім басқармасындағылар жедел жиын өткізіп жатыр. Интернаттың жұмысы бақылауға алынды", - деп хабарлады Алматы қалалық Білім басқармасының басшысы Гүлнар Айтқұлова.

Тәрбиешілердің мұндай әрекетіне жоғары білікті кадрлардың жетіспеушілігі себеп екені айтылады. Айтуларынша, осы қызметке жақсы маман табу қиын, себебі тәрбиешінің жалақысы өте аз және ондай жалақыға барлығы келісе бермейді.

Айта кетейік, №10 жалпы білім беретін интернат жағдайы төмен отбасылардан шыққан балаларға білім беретін екі оқу мекемесінің бірі. Мектепте шамамен 200 оқушы бар.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай