1. Басты
  2. Біл
  3. Жаңалықтар
  4. Ел жаңалықтары

Алматыда COVID-19 жұқтырған дәрігерлермен байланыста болған 316 адам оқшауланды

Алматыда карантинге жабылған Орталық қалалық клиникалық ауруханада коронавирус жұқтырған дәрігерлермен байланыста болған 316 адам оқшауланды. Бұл туралы Алматының бас санитар дәрігері Айзат Молдағасымова айтты, - деп хабарлайды Tengrinews.kz тілшісі.

"Біз жақын байланыста болған 316 адамды оқшауладық. Мұның Алматыдағы ең үлкен клиника екенін ескеру керек. Мұнда 1000-нан аса қызметкер бар, екі бөлімге бойынша 316 адам оқшауланды", - деді ол брифингте.

Еске салайық, мұның алдында Алматыдағы Орталық қалалық клиникалық аурухананың карантинге жабылғаны хабарланған болатын. Бүгінде Алматы бойынша барлығы 27 дәрігердің вирус жұқтырғаны анықтаолды. Осы жағдай бойынша эпидемиологиялық тергеу басталды.

Қазақстан жаңалықтары. Соңғы жаңалықтар. Telegram желісінде бізге жазыл!