Алматыда демалыс күндері 16-19 желтоқсан аралығында ойын-сауық орталықтары мен автобустар қалай жұмыс істейтіні белгілі болды, - деп хабарлайды Tengrinews.kz тілшісі.
Бұл туралы санитарлық-эпидемиологиялық бақылау департаментіндегілер айтты.
Ведомстводағылар мереке күндері ойын-сауық орталықтары мен автобустардың жұмысы Алматының бас санитар дәрігері Жандарбек Бекшиннің 9 қарашадағы №64 қаулысы бойынша реттелетінін айтады.
Осылайша, алдағы мереке күндері сауда орталықтары 22.00-ге дейін жұмыс істейді.
Сондай-ақ, 17.00-ге дейін азық-түлік емес және жабық азық-түлік базарларының қызметіне рұқсат етіледі.
Алматы әкімдігінің мәліметінше, қоғамдық көлік жұмысы өзгеріссіз қала береді. Автобустар мен метрода маска режимі сақталуы керек.
Еске салайық, мұның алдында мереке күндері 16-19 желтоқсан аралығында Нұр-Сұлтанда да қоғамдық көлік қалыпты режимде жұмыс істейтіні айтылған еді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
