Алматылық тәртіп сақшылары жедел-профилактикалық шара жүргізу барысында жасырын жұмыс істеген боди-массаж салонын анықтады. Бұл туралы Алмалы ауданының полиция басқармасының басшысы Есен Ысқақов Facebook желісіндегі парақшасында айтты, - деп хабарлайды Tengrinews.kz тілшісі.
Оның айтуынша, салон 28 шілде 22:00-де анықталған. Ол Құрманғазы 145 мекенжайы бойынша орналасқан екіқабатты пәтерде орналасқан. Ысқақов қызметкерлер маска тағу режимін бұзғанын айтты.
"Полиция қызметкерлері боди-массаж жасайтын жеті қызды анықтаған. Аталған салон карантин режиміне қарамастан жұмыс істеген, қыдар маска тағу режимін бұзған.
"Барлық адам Алмалы ауданының Полиция басқармасына жеткізіліп, оларға қатысты ӘҚБтК-нің 425-бабы, сондай-ақ ӘҚБтК-нің 492-бабы бойынша әкімшілік жауапкершілік тағайындалды", - деді полиция өкілі.
Қазақстан жаңалықтары. Соңғы жаңалықтар. Telegram желісінде бізге жазыл!
