Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.70
EUR / KZT - 389.99
CNY / KZT - 49.72
RUB / KZT - 5.59

Алматыда жоғалған қызды белгісіз біреулер алып қашып кеткен болып шықты

03 Тамыз 2016, 14:20
0

Алматыда жоғалған 18 жастағы Жұлдыз Ерманованы белгісіз біреулер алып қашып кеткен болып шықты, - деп хабарлайды Tengrinews.kz тілшісі. 

Жұлдыздың туған әпкесінің айтуынша, әлеуметтік желілерде жұрт шулағаннан кейін ұрлап әкеткендер қызды үйіне қайтарған. Достарының айтуынша, Ерманова өзін алып қашып кеткен жігітті танымаған да. Туыстарының айтуынша, олар жігіттің үстінен арыз жазбайды. Полицейлер тергеу жүргізіп жатыр. Оқиғаның мән-жайы процесстік әрекеттердің барысында анықталады. 

"Жұлдызымызды іздестіруге қолдау көрсетіп, көмек қолын созғандарға алғыс айтамыз. Қоғам бізге көмектесті. Сіздердің көмектеріңізсіз біз ештеңе істей алмайтын едік! Себебі Жұлдызды бейтаныс жігіт алып қашып кеткен, сөйтіп, өзінің қалыңдығы еткісі келіпті. Жұлдыз некеге келісім бермепті. Жігіттің ата-анасы жұрттың шулағанын біліп, полицейлердің іздестіріп жатқанын көргеннен кейін шошып кетіп, сіңлімді қайтарды", - деді Жұлдыздың әпкесі Ақшолпан Ерманова.

Оның айтуынша, Жұлдыз қорқып қалған, бірақ жағдайы жақсы. "Бәрі бейбіт жолмен шешілді", - деді Ақшолпан.

Еске салайық, 18 жастағы Жұлдыз Ерманова Алматыда 1 тамызда жоғалып кеткен еді. Қызды іздестіру туралы хабарландыру әлеуметтік желілер мен БАҚ-тарда жария болды, оны құқық қорғау органдары мен еріктілер іздестірді. Ал бүгін, 3 тамызда ол табылды.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай