Алматы әкімі Ерболат Досаев тұрғындармен кездесуде Жұбанов көшесін батыс бағытта ұзарту жұмыстары қай кезеңде екенін айтты, - деп хабарлайды Tengrinews.kz тілшісі.
Мегаполис басшысының айтуынша, Жұбанов көшесі Момышұлы көшесінен қала шегіне дейін ұзартылады. Досаев бұл жобаның жобалық-сметалық құжаттамасы мемлекеттік сараптамадан өтіп, оң қорытынды алынғанын атап өтті.
"307 жер телімі алу белгіленді. Оның 50-ін биыл сатып аламыз", - деді әкім.
Сондай-ақ, ол бүгінде жол құрылысына жауапты мердігерді анықтау үшін байқау жүріп жатқанын айтты.
"Бұл жобаны жүзеге асыру Әуезов ауданының дамуына, көлік жүктемесін азайтуға және қоғамдық көлік қызметінің сапасын арттыруға ықпал етеді", - деп қосты Досаев.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
