Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Алматыда "Оңай" жүйесіне қарсы ереуілге шыққан жүргізушілер жұмыстан шеттетілді

19 Қаңтар 2016, 13:34
1
Куәгер жолдаған сурет
Куәгер жолдаған сурет

Алматыда №65 бағытындағы автобустардың сегіз жүргізушісі жұмыстан шеттетілді, - деп хабарлайды Tengrinews.kz тілшісі "Тұлпар" автобус паркіне сілтеме жасап.

"Бұл жүргізушілер жұмыстан шеттетілді, қазір қызметтік тергеу жүргізіліп жатыр. Тергеу нәтижесіне байланысты шара қолданылады. Олар жұмыстан шығарылуы мүмкін", - деді автопарк қызметкерлері.

Компания өкілдерінің айтуынша, жанжал автобус жүргізушісі Таңат Мұсаев пен "Алматы көлік холдингі" ЖШС қызметкері арасында шыққан. "Кеше көлік холдингінің қызметкерлері жүргізушінің жолаушылардан ақша алғанын анықтаған. Бұл оқиғаға осы жағдай себеп болды. Холдинг қызметкерлері жүргізушіні ақша жинағаны үшін жауапқа тарту мақсатында полицейлерді шақырады. Дегенмен біздің жүргізуші кінәлі емес екенін айтып, құжаттарын көрсетуден бас тартқан. Оқиға болған жерге жүргізушіні қолдау үшін 65-бағыттағы автобустардың басқа да жүргізушілері келді. Олар Абай көшесі бойында тұрып алып, электронды билет жүйесіне наразылық танытты", - деді компания қызметкері.

Еске сала кетейік, 18 қаңтарда Алматыда №65 бағытындағы автобус жүргізушілері "Оңай" жүйесіне қарсы ереуілге шықты.


Нравится
Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай