Алматыда сауда орталықтары демалыс күндері жұмыс істемейді 12 наурыз 2021, 12:44
Алматыда демалыс күндері сауда орталықтары жабылады. Бұл туралы қаланың бас санитар дәрігері Жандарбек Бекшиннің 10 наурыздағы қаулысында айтылған, - деп хабарлайды Tengrinews.kz тілшісі.
Құжатта сенбі және жексенбі күні сауда және ойын-сауық орталықтары, спорт кешендері, фитнес-орталықтар, жабық азық-түлік және азық-түлік емес базарлар қызметіне тыйым салынғаны айтылған. Ашық базарлардың сенбі күні жұмыс істеуіне рұқсат етіледі.
Бұған дейін демалыс күндері Алматыда автобус қозғалысы мен метро қызметі тоқтайтыны туралы хабарланған еді. Сондай-ақ, 13 наурызға жоспарланған адвокаттар митингіне тыйым салынды.
Жаңа қаулы Алматы "сары" аймақтан "қызыл" аймаққа ауысқаннан кейін жарияланды.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!