Алматының жаңа әкімі "Шұғыла" ықшамауданына 1 тамызға дейін газ тартуға уәде берді

03 Шілде, 14:51
0
Алматының жаңа әкімі "Шұғыла" ықшамауданына 1 тамызға дейін газ тартуға уәде берді -

Алматы әкімі Бақытжан Сағынтаев қаладағы ықшамаудандардың біріне газ тарту мәселесені ерекше бақылауға алды, - деп хабарлайды Тengrinews.kz тілшісі. Бұл туралы қала басшысы Twitter желісіндегі парақшасында жазды. 

"Шұғыла мөлтек ауданында газбен қамту өзекті мәселе. 1 тамызға дейін газ келеді. Ол менің ерекше бақылауымда", - деп жазды Бақытжан Сағынтаев.

Сондай-ақ, қала әкімі Наурызбай ауданында болды. Ол тұрғындармен кездесіп, толғандыратын мәселелерді талқылады, олар: ауыз су, абаттандыру, инфрақұрылым және электрмен жабдықтау мәселелері.

"Іс-қимылдың арнайы жоспары жасалатын болады. Аудан әкіміне тиісті тапсырмалар берілді. Олар менің жеке бақылауымда", - деді Сағынтаев. 

Осыған дейін, қала басшысы ЖЭО-2 жұмысына қатысты газға көшіру, жаңа фильтрлер қою және басқа да күрделі мәселелерді шешуді тапсырған еді.

"Жете зерттеп, пысықтау қажет. Энерготиімділік және инфрақұрылымдық даму басқармасына осы іске қатысты сараптама жүргізіп, #ЖЭО2 дамыту бойынша ұсыныс беруді тапсырдым", - деп жазды әкім.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай