1. Басты
  2. Біл
  3. Жаңалықтар
  4. Ел жаңалықтары

Алтай Көлгінов көшелерді жөндеу қандай талаппен таңдалатынын айтты05 тамыз 2020, 11:50

Фото: Александр Куприенко Фото: Александр Куприенко

Нұр-Сұлтан әкімі Алтай Көлгінов Instagram желісінде қаладағы көшелерді қандай талап бойынша жөндеуге таңдалатынын атады , - деп хабарлайды Tengrinews.kz тілшісі.

2020 жылы елордада 150 көше жөнделеді:

  1. Бұрын асфальт болмаған жолдар. Тұрғын үй массивтеріндегі 100 көше. 
  2. Автобус маршруттары қосылатын көшелер.
  3. Әлеуметтік нысандарға: мектеп, медициналық орталық, балабақшаларға және т.б. апаратын көшелер.

Сондай-ақ ол Көктал және Агроқалашық тұрғын үй массивтеріндегі бірнеше көшенің құрылысымен танысқанын айтты. Бұл массивтердегі 33 көшеге асфальт төселеді.

"Кездесу барысында тұрғындар жарықтандыру, жылыту, кәріз мәселелері бойынша бірқатар мәселелерді көтерді. Кейбір мәселелер бойынша шешім сол жерде қабылданды, қалғандары жоспарға бекітілді. Сонымен қатар, барлық аудандарда әлеуметтік нысандар, қолжетімді тұрғын үй құрылысы, жарықтандыру шамдарын орнату, аумақтарды абаттандыру, нөсер кәріздерін орнату және т. б. бойынша жұмыстар тұрақты түрде жүргізіліп жатыр. Жылыту мәселесі газдандыру барысында шешіледі. Биылғы жылыту маусымында газға бірқатар елді мекен қосылады. Өнеркәсіптік сектор мен елді-мекендерді газдандыру 3 кезеңде өтеді", - деді Алтай Көлгінов.

Фото: Александр Куприенко

Қазақстан жаңалықтары. Соңғы жаңалықтар. Telegram желісінде бізге жазыл!  кө