Амантай қажы ҚР Президенті кезектен тыс сайлауына өз кандидатурасын ұсынуға әзір

18 Ақпан 2015, 16:53
0
Амантай қажы ҚР Президенті кезектен тыс сайлауына өз кандидатурасын ұсынуға әзір - Амантай қажы. ©homeclub.kz
Амантай қажы. ©homeclub.kz

Амантай қажы Қазақстан Президентінің кезектен тыс сайлауына өз кандидатурасын ұсынуға дайын. Антиядролық фронт пен "Аттан, Қазақстан!" бейбітшілік қозғалысының 73 жастағы жетекшісі Tengrinews.kz тілшісіне телефон арқылы берген сұхбатында сайлауға қатысу ниеті барын растады. 

"Егер Аллаһ қолдаса, біз Президент сайлауына төртінші рет қатысатын боламыз. Оған Семей полигонын жабуға қол жеткізген біздің бүкілқазақстандық антиядролық қозғалыстың "Аттан, Қазақстан!" халықтық бейбітшілік маршының бағдарламасымен қатысамыз", - деді Амантай қажы. 

Еске сала кетейік, 2011 жылғы сайлауға Амантай қажы өзін-өзі ұсынып, Орталық сайлау комиссиясына өтініш берген болатын. Бірақ ол үміткер ретінде тіркелмеді. Амантай қажы Орталық сайлау комиссиясы өткізген емтиханға келмей, ұялы телефонын өшіріп тастаған еді. Кейін ол отбасындағы қайғылы оқиғаға байланысты емтиханға қатыса алмағанын айтты. 2011 жылы сайлауалды кампаниясы барысында Амантай қажы бірнеше атышулы мәлімдеме жасады. Ол Президент сайлауында жеңіске жетсе, Қазақстанның тұрмысқа шықпаған қыздарының мәселесімен айналысатын ақсақалдар кеңесін құруға уәде берді. Ол өз мақсатын республика бюджеті есебінен іске асырғысы келетінін айтты. 

Амантай қажы - "Невада - Семей" қозғалысы ұйымдастырушыларының бірі. 2005 жылғы сайлауда ол Орталық сайлау комиссиясына президенттікке үміткер ретінде тіркелді. Ақпарат құралдарына берген сұхбаттарының бірінде ол өзін "мафиямен, сыбайлас жемқорлықпен және атом электр станцияларымен күресуші әлемдік көсем" деп атады. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай