Артур Ардавичус 800 миллион теңге жымқырды деген күдікке ілінді

13 Желтоқсан 2019, 14:32
0
Артур Ардавичус 800 миллион теңге жымқырды деген күдікке ілінді - Артур Ардавичус. Фото Vesti.kz©
Артур Ардавичус. Фото Vesti.kz©

Сыбайлас жемқорлыққа қарсы қызмет 2016-2017 жылдары Қазақстан автоспортын дамытуға бөлінген қаражатты жымқыру ісі бойынша тергеу жүргізіп жатыр, - деп хабарлайды Tengrinews.kz тілшісі.

"Оқу-жаттығу жиындары мен жарыстарды өткізуге өтінімдерді арттыру арқылы Astana Motorsports командасының директоры мен капитаны (мемлекеттің 100 пайыз қатысуы) Артур Ардавичус 800 миллион теңгеден астам ақша ұрлаған. Бұл қаражатты ол шетелдік және қазақстандық компаниялар арқылы қолма-қол ақшаға 
айналдырған", - деді Сыбайлас жемқорлыққа қарсы қызметтің екінші департаментінің басшысы Сергей Перов.

Перовтың мәліметінше, Ардавичус бірнеше рет жауап беру үшін шақыртылған, алайда шетелден келуден бас тартқан.

"Аталған мән-жайларды және Ардавичус мырзаның қылмыстық құқық бұзушылық жасағанын көрсететін жеткілікті негіздерінің болуын ескере отырып, оған қатысты сырттай "күзетпен ұстау" бұлтартпау шарасы санкцияланды. Халықаралық іздеу жариялау туралы материалдар сотқа жіберілді", - деп мәлімдеді брифинг барысында Қаламов.

Тергеу барысында ұрланған қаражаттың нақты сомасы анықталады. Тергеу жалғасып жатыр.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай