26 қыркүйек 2019 11:23

Асқар Мамин Қызылорда облысына жұмыс сапарымен келді

ПОДЕЛИТЬСЯ

© primeminister.kz © primeminister.kz

Жұмыс сапары барысында Қазақстан Республикасының премьер-министрі Байқоңыр қаласының әлеуметтік-экономикалық дамуымен, сонымен қатар, ғарыш саласындағы Қазақстан-Ресей тараптарының ортақ жобаларын жүзеге асыру барысымен танысты, - деп хабарлайды Tengrinews.kz тілшісі.


Жұмыс сапары барысында Қазақстан Республикасының премьер-министрі Байқоңыр қаласының әлеуметтік-экономикалық дамуымен, сонымен қатар, ғарыш саласындағы Қазақстан-Ресей тараптарының ортақ жобаларын жүзеге асыру барысымен танысты, - деп хабарлайды Tengrinews.kz тілшісі.

"Союз МС-15" басқарылатын ғарыш кемесінің ұшырылуы сәтін тамашалады. Жұлдызды қалашықта "Нұрлы жер" мемлекеттік бағдарламасы аясында салынған тұрғын үйлерді аралап көріп, қаланы  газдандыру жұмыстарымен танысты.

Асқар Ұзақбайұлына Байқоңыр қаласында атқарылып жатқан жұмыстар жайлы Қызылорда облысының әкімі Қуанышбек Ысқақов баяндады.

Байқоңыр қаласында "Нұрлы жер" бағдарламасы аясында 50 пәтерлі бес үйдің құрылысы аяқталды. Құрылыстың жалпы аумағы - 15,7 мың шаршы метр, мұнда 250 пәтер бар. Үйлер орталық су және кәріз жүйесіне қосылған. Жылу және ыстық сумен қамтамасыз ету үшін табиғи газбен автономды бу қазандығы орнатылған. Қазіргі уақытта  баспана кезегінде тұрған Байқоңырдағы ҚР азаматтарына пәтер беріліп жатыр", - деді аймақ басшысы.

Айта кетейік, "Қызылорда облысын газдандыру және жаңа активтер құру" инвестициялық жобасын іске асыру аясында Байқоңыр қаласын "Бейнеу - Шымкент" газ құбырына қосу және Байқоңыр қаласының жеткізуші газ құбыры мен кварталішілік газ тарату желілерін салу бойынша жұмыстар жүргізілді. Бүгінде қазақстандық әлеуметтік нысандар мен бой көтерген 5 көп қабатты тұрғын үй газ желілеріне қосылған. Тұтынушылар үшін газ бағасы - текше метрі 20,90 теңге. 

Премьер-министрге "Байқоңыр" кешенінде еркін экономикалық аймақ құруға байланысты  атқарылып жатқан жұмыстар да баяндалды. 

Содан соң, Асқар Мамин қонақ үй кешендерінің құрылыс барысымен, атап айтқанда, "Ресей" қонақ үйі мен "Нөлдік квартал" қонақ үй кешенін қайта жаңғырту жұмыстарымен танысты.

Қазіргі таңда қаланың ойын - сауық-туристік әлеуетін арттыру үшін Қызылорда облысының әкімдігі мен Байқоңыр қаласының әкімшілігі "Ресей" қонақ үйі мен "Нөлдік квартал" нысандарын жалға алу мәселесін талқылауда.

Қызылорда облысына жұмыс сапарының соңында ҚР премьер - министрі "Союз МС-15" басқарылатын ғарыш кемесінің ұшырылуы шарасына қатысты. Ғарышкерлер - Олег Скрипочка (РФ), Джессика Меир (АҚШ) және Хазза аль-Мансури (БАӘ).

Читайте также
Join Telegram

Валюта бағамы

 446.77   483   4.85 

 

Ауа райы

 

Редакция Жарнама
Социальные сети