+7 (777) 001 44 99
Қазақша
Русский
English
Астана қаласының әкімі Иманғали Тасмағамбетов зейнеткер көтерген мәселені шешті деп хабарлайды "Астана ақшамы" газеті. 19 ақпанда Астана әкімінің халыққа есеп беру кездесуі барысында "Интернациональный" алабының тұрғыны, зейнеткер Қожантай Байкенов Тасмағамбетовке тұрғынжай іргесіндегі жылу қазандығының санитарлық-экологиялық ахуалы жайлы мәселені жеткізіп, оны шешуді сұраған еді. Байкеновтің айтуынша, жылу қазандығы тұрғынжайдан 50 метрден кем қашықтықта орналасқан, яғни үй қазандықтың санитарлық қорғау аймағында тұр. Тұрғынның шағымынан соң қала әкімінің тапсырмасымен қазандықта күл үйіндісіне қоршау орнатылды, ахуалды жақсарту үшін су қыздыру қазандықтары ауыстырылды, енді мұнда тек сұйық отын қолданылатын болды. "Сонымен қатар, барлық қазандықтарға келесі жылыту маусымына дейін шаңнан, газдан тазалау қондырғыларын (циклондар) орнату көзделген", - деп жазады басылым. Бұған қоса, тұрғындардың өтініші бойынша жергілікті әкімдік "Интернациональный" тұрғын алабындағы "Ескендiр" кешенінде аула клубын ашты. Мекемеде спорттық жаттығу залдары, электронды кітапхана және ардагерлер мен зейнеткерлерге арналған үстел ойындары бөлмесі бар. Еске сала кетейік, бұған дейін Семей қаласы тұрғындарының жылу қазандығы түтінінен тұншығып отырғанын хабарлаған едік. Жеке сектор тұрғындары жергілікті биліктен "Ғаббасов" жылу қазандығы мұржасына сүзгі орнатып, атмосфераға таралатын қалдықты азайтуды сұрайды.
ПОДЕЛИТЬСЯ
Астана қаласының әкімі Иманғали Тасмағамбетов зейнеткер көтерген мәселені шешті деп хабарлайды "Астана ақшамы" газеті.
19 ақпанда Астана әкімінің халыққа есеп беру кездесуі барысында "Интернациональный" алабының тұрғыны, зейнеткер Қожантай Байкенов Тасмағамбетовке тұрғынжай іргесіндегі жылу қазандығының санитарлық-экологиялық ахуалы жайлы мәселені жеткізіп, оны шешуді сұраған еді.
Байкеновтің айтуынша, жылу қазандығы тұрғынжайдан 50 метрден кем қашықтықта орналасқан, яғни үй қазандықтың санитарлық қорғау аймағында тұр. Тұрғынның шағымынан соң қала әкімінің тапсырмасымен қазандықта күл үйіндісіне қоршау орнатылды, ахуалды жақсарту үшін су қыздыру қазандықтары ауыстырылды, енді мұнда тек сұйық отын қолданылатын болды. "Сонымен қатар, барлық қазандықтарға келесі жылыту маусымына дейін шаңнан, газдан тазалау қондырғыларын (циклондар) орнату көзделген", - деп жазады басылым.
Бұған қоса, тұрғындардың өтініші бойынша жергілікті әкімдік "Интернациональный" тұрғын алабындағы "Ескендiр" кешенінде аула клубын ашты. Мекемеде спорттық жаттығу залдары, электронды кітапхана және ардагерлер мен зейнеткерлерге арналған үстел ойындары бөлмесі бар.
Еске сала кетейік, бұған дейін Семей қаласы тұрғындарының жылу қазандығы түтінінен тұншығып отырғанын хабарлаған едік. Жеке сектор тұрғындары жергілікті биліктен "Ғаббасов" жылу қазандығы мұржасына сүзгі орнатып, атмосфераға таралатын қалдықты азайтуды сұрайды.
