"Қазгидромет" синоптиктері алдағы үш күнде - 22, 23 және 24 маусымда Астана мен Алматыда ауа райы қандай болатынын айтты, деп хабарлайды Tengrinews.kz.
Астанадағы ауа райы болжамы
22 маусымда күн райы құбылмалы болады, жауын-шашын күтілмейді. Оңтүстік-шығыстан соғатын желдің жылдамдығы секундына 5-10 метр. Ауа температурасы түнде 18-20 градус жылы, күндіз 34-36 градусқа дейін аптап ыстық болады.
23 маусымда күн райы құбылмалы болады, жауын-шашын күтілмейді. Оңтүстік-шығыстан соғатын жел бағытын оңтүстік-батысқа ауыстырады, жылдамдығы түнде секундына 5-10, күндіз 9-14 метр. Ауа температурасы түнде 19-21 градус жылы, күндіз 34-36 градусқа дейін аптап ыстық болады.
24 маусымда күн райы құбылмалы болады, кей уақыттарда жаңбыр жауып, найзағай ойнайды, күндіз бұршақ жаууы мүмкін. Оңтүстік-батыстан соғатын желдің жылдамдығы 9-14, екпіні секундына 15-20 метрге дейін жетеді. Ауа температурасы түнде 18-20 градус, күндіз 26-28 градус жылы болады.
Алматыдағы ауа райы болжамы
22 маусымда күн райы құбылмалы болады, жауын-шашын күтілмейді. Оңтүстік-батыстан соғатын желдің жылдамдығы секундына 3-8 метр. Ауа температурасы түнде 20-22 градус жылы, күндіз 31-33 градусқа дейін ыстық болады.
23 маусымда күн райы құбылмалы болады, жауын-шашын күтілмейді. Оңтүстік-батыстан соғатын желдің жылдамдығы секундына 3-8 метр. Ауа температурасы түнде 16-18 градус жылы, күндіз 34-36 градусқа дейін аптап ыстық болады.
24 маусымда күн райы құбылмалы болады, күндіз жаңбыр жауып, найзағай ойнайды. Оңтүстік-батыстан соғатын желдің жылдамдығы 3-8, күндіз екпіні секундына 12 метрге дейін жетеді. Ауа температурасы түнде 18-20 градус жылы, күндіз 33-35 градусқа дейін аптап ыстық болады.
