Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Астана тасымалдаушылары өз пайдасын көздеген кондукторларға қарсы жаңа әдіс ойлап тапты

06 Қазан 2014, 13:02
0
Фото Тұрар Қазанғапов ©
Фото Тұрар Қазанғапов ©

Астана тасымалдаушылары егер жолаушыларға жол жүру билеті берілмесе, онда олар автобустарда тегін жүреді деген ерекше акция бастады, деп хабарлайды Tengrinews.kz тілшісі елорда әкімдігінің сайтына сілтеме жасап. 

"Елордалық тасымалдаушылар ерекше акция ұйымдастыруды қолға алды. Барлық қалалық жолаушылар автобустарында "Кондуктор билет бермеді ме? Онда тегін жол жүресің" деп жазылған плакаттар болады. Акция кондуктор билет бермеген жағдайда, жолаушыға тегін жол жүруге болатынын жеткізеді", - делінген хабарламада. 

Бақылау-желілік қызметінің кезекті тексеруі барысында жауапкершілік кондукторға ғана жүктеледі. Шара өз пайдасын көздеген кондукторлармен жұмыс істеуде оң нәтиже беріп, жалпы жолаушылардың азаматтық жауапкершілігін арттыруға ықпал етеді, дейді тасымалдаушылар.

Қала әкімдігінің мәлімдеуінше, Астана халқының жартысына жуығы қоғамдық көліктермен жүреді. Күн сайын тасымалдау сапасын арттыру және кондукторлардың жұмысын бақылау мақсатында бағытты автобустарды бақылау-желілік қызметі тексереді. Мамандар үшін кондукторлардың міндеттерін адал орындауы және жолақысын алып, билет бермеу жағдайларына жол бермеу аса маңызды.

Кондуктордың билетсіз жолақы алуы автопарктердің бюджетіне кері әсерін тигізеді. Соның салдарынан кірістің төмендеуі, салық салу базасының азаюы және т.б. мәселелерге жол беріледі. Ал тасымалдаушылар әлеуетті табысын толық алмайды, деп қорытындыланған әкімдіктің хабарламасында.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай