Астана тұрғыны Facebook әлеуметтік желісіндегі жазбасы үшін жазаланды

08 Қаңтар 2018, 23:59
0
Астана тұрғыны Facebook әлеуметтік желісіндегі жазбасы үшін жазаланды - Тengrinews.kz мұрағатынан
Тengrinews.kz мұрағатынан

Астана тұрғыны Facebook желісіндегі жарияланымы үшін өтемақы төлеуге міндеттелді. Ол өз хабарламасында Астананың өзге бір тұрғынын "көлігін қасақана қоюшы" деп атаған, - деп хабарлады Tengrinews.kz тілшісі Астана сотының баспасөз қызметіне сілтеме жасап.

Баспасөз қызметінің мәліметінше, 2017 жылы маусымда азамат К. Mercedes маркалы автокөлігімен кетіп бара жатып, алдағы көлікпен арадағы қашықтықты сақтамай, Б. деген азаматқа тиесілі KIA көлігіне соғылған. "Жол-көлік оқиғасы үшін азамат К. ӘҚБК 611-бабы 2-бөлігі бойынша әкімшілік жауапкершілікке тартылды", - делінген хабарламада.

2017 жылы қыркүйекте азамат К. Facebook желісіндегі парақшасында жазба жариялап, Б. деген азаматты "көлігін қасақана қоюшы" деп атаған. Ол өз кезегінде Алматы аудандық сотына арыз жазып, намысы мен абыройын қорғауды және моральдық тұрғыдағы зиянды өндіріп беруді талап еткен.

"Арызданушының ар-намысы мен абыройына кір келтіргені үшін, моральдық тұрғыда залал келтіргені үшін өтемақы өндіріліп алынды. Сонымен қатар, сот жауаптыны Facebook желісіндегі парақшасында жарияланымды жоққа шығаруға міндеттеді. Сот шешімі заңды күшіне енген жоқ", - делінген хабарламада.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай