27 сәуір 2023 12:59

Астанада Жеңіс күніне орай ҰОС ардагерлеріне қанша бірілетіні айтылды

Гүлнара Досымшалова Корреспондент

ПОДЕЛИТЬСЯ

Астанада қазіргі уақытта Ұлы Отан соғысының 10 ардагері тұрады. Жеңіс күніне орай олардың әрқайсы 1,5 миллион теңгеден алады, - деп хабарлайды Tengrinews.kz тілшісі қалалық әкімдік сайтына сілтеме жасап.


Астанада қазіргі уақытта Ұлы Отан соғысының 10 ардагері тұрады. Жеңіс күніне орай олардың әрқайсы 1,5 миллион теңгеден алады, - деп хабарлайды Tengrinews.kz тілшісі қалалық әкімдік сайтына сілтеме жасап.

Елордада тұратын Ұлы Отан соғысының 10 ардагерінің ең үлкені – 103 жаста, ең кішісі – 97 жаста. Биыл Жеңіс күніне орай олардың әрқайсына 1,5 миллион теңге төлеу туралы шешім қабылданды, делінген хабарлмада.

"ЧАЭС қатысушылары мен мүгедектерінен бөлек, жеңілдіктер бойынша Ұлы Отан соғысының ардагерлеріне теңестірілген 436 адам 120 750 теңгеден алады. Олардың қатарында ҰОС кезеңінде қызмет еткен 13 әскери қызметші, фашистік Германияға қарсы іс-қимылдарға қатысқан жандар, Ленинградта блокада кезеңінде еңбек еткен азаматтар, концлагерьлердің кәмелетке толмаған тұтқындары, мүгедек болған әскери қызметшілер бар.

Өзге мемлекеттердің аумағындағы болған әскери іс-қимылдардың ардагерлеріне (Ауғанстандағы әскери іс-қимылдан басқа) - тәжік-ауған учаскесінде, Ирактағы халықаралық бітімгершілік операциясында, Таулы Қарабақта этносаралық қақтығысты реттеуге қатысқан міндеттерді орындаған әскери қызметшілерге 35 АЕК (120 750 теңге) мөлшерінде төлемдер көзделген. Елордада 899 адам бар.

Тыл еңбеккерлері, қаза тапқан әскери қызметшілердің отбасылары, қайтыс болған ҰОС мүгедектерінің жұбайлары 9 мамырға дейін 11 АЕК (37 950 теңге) мөлшерінде төлем алады", - делінген хабарламада.

Айта кетейік, ардагерлерге тиісті төлемдер 27 сәуірден бастап беріле бастайды.

Сонымен қатар жергілікті бюджет қаражатынан Ұлы Отан соғысының ардагерлеріне мынадай қызметтер тегін көрсетіледі:

  • коммуналдық қызметтер үшін ақшалай өтемақы, ол ай сайын пәтердің ауданына байланысты 5-тен 8 АЕК-ке дейінгі мөлшерде бөлінеді;
  • дәрі-дәрмекпен қамтамасыз ету;
  • мерзімді басылымдарға жазылуға, моншаларға, шаштараздарға жылына бір рет баруға (жыл басында жеке шоттарына 6,5 АЕК аударылады) әлеуметтік көмек;
  • санаториялық-курорттық емдеу қызметтері;
  • қалалық жолаушылар көлігінде жеңілдікпен жол жүру;
  • тіс протездеу қызметтері.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram

Валюта бағамы

 467.21   490.7   5.37 

 

Ауа райы

 

Редакция Жарнама
Социальные сети