+7 (777) 001 44 99
ПОДЕЛИТЬСЯ
Астанада жылыту маусымы ұзартылады, - деп хабарлайды Тengrinews.kz тілшісі Астана қаласы әкімі аппаратының баспасөз қызметіне сілтеме жасап.
Астанада жылыту маусымы ұзартылады, - деп хабарлайды Тengrinews.kz тілшісі Астана қаласы әкімі аппаратының баспасөз қызметіне сілтеме жасап.
"Елордада 2013-2014 жылғы жылыту маусымы келесі аптаға дейін ұзартылады", - делінген хабарламада. Әкімдік өкілдерінің айтуынша, бұған Астанада минустық температураның сақталуы себеп.
Бұл жылыту маусымында энергиямен қамту жүйелерінде еш ақау болмаған. "Жылыту маусымы кезеңінде 1,42 млрд кВт/сағат электр қуаты мен 4,3 млн гигакалория жылу энергиясы өндірілді", - деген болатын бұған дейін қала әкімінің орынбасары Василий Крылов.
Бұған дейін елордада жылу берудің 15 сәуірде тоқтатылатыны хабарланған еді. Енді Астананың тұрғын үйлерінде сәуірдің 20-сына дейін жылу болады. "2013-2014 жылғы жылыту маусымын осы аптада аяқтау жоспарланған. Сыртқы ауаның орташа тәуліктік температурасы +8градусты құрайтын болады", - делінген Астана әкімдігінің ресми сайтында.
