Астанада кептеліс кезінде жүк көлігінің қозғалысына шектеу қойылады

05 Мамыр 2018, 13:07
0
Астанада кептеліс кезінде жүк көлігінің қозғалысына шектеу қойылады - © dvinatoday.ru
© dvinatoday.ru

Қала билігі қауырт сағаттарда жүк көлігі қозғалысына шектеу енгізеді, - деп хабарлайды Тengrinews.kz тілшісі Астана әкімдігінің баспасөз қызметіне сілтеме жасап.

"Мұндай шешімді қабылдауға елордадағы көлік ағысының жалпы жылдамдығының төмендеуіне жүк көліктерінің әсері себеп болды. Бүгінгі таңда қаланың аумағында 220-дан астам құрылыс учаскелері жұмыс істеуде, олардың бәріне жүк техникасы қызмет көрсетеді. Сондай-ақ, жүк машиналары жылдамдығының баяулығы, олардың ебедейсіздігі мен көлемінің үлкендігі сияқты факторлар жолдарда апаттық-қауіпті жағдайлар тудыруы мүмкін, - делінген хабарламада. 

Шектеу 14 мамырда жұмыс күндері сағат 07.00-ден 09.00-ге дейін және 17.30-дан 20.00-ге дейін автомобиль жолдары шекараларының аймағында салмағы 3,5 тоннадан артық жүк көліктерінің қозғалысына енгізіледі. Ол 31 желтоқсанға дейін қойылып отыр.

Елорда әкімдігі мұндай шектеулерді Халықаралық "ЭКСПО-2017" көрмесін өткізу кезінде қолданды. Ол кезде қаланың белгілі бір учаскелеріне жүк көлігінің кіруіне сағат 6:00-ден 23:00-ге дейін шектеу қойылған болатын.

Жүк қозғалысына шектеу бекітілген сұлбаға сәйкес қала ішіндегі белгіленген 18 учаскеге қатысты болады.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай