"Қазгидромет" синоптиктері Астана мен Алматыда 20, 21 және 22 мамырда ауа райы қандай болатынын боолжады, - деп хабарлайды Tengrinews.kz.
Астанадағы ауа райы болжамы
20 мамырда күн құбылмалы болады, жауын-шашынсыз. Жел оңтүстік-батыстан соғып, солтүстік-батысқа ауысады, түнде 2-7, күндіз 9-14 метр/секунд. Ауа температурасы түнде +7...+9 градус, күндіз +25...+27 градус.
21 мамырда күн құбылмалы болады, түнде және таңертең жаңбыр жауады. Жел солтүстіктен, солтүстік-шығыстан 9-14, екпіні секундына 15-20 метр. Ауа температурасы түнде +10...+12 градус, күндіз +15...+17 градус.
22 мамырда күн құбылмалы болады, жауын-шашынсыз. Жел солтүстік-шығыстан соғады, екпіні - 5-10 метр/секунд. Ауа температурасы түнде +2...+4 градус, топырақ бетінде 2 градус үсік жүреді, күндіз +15...+17 градус.
Алматыдағы ауа райы болжамы
20 мамырда күн құбылмалы болады, жауын-шашынсыз. Жел солтүстік-шығыстан жел соғады, екпіні - 3-8 метр/секунд. Ауа температурасы түнде +9...+11 градус, күндіз +21...+23 градус.
21 мамырда күн құбылмалы болады, күндіз өткінші жаңбыр жауып, күн күркірейді. Жел оңтүстік-шығыстан соғып, оңтүстік-батысқа ауысады, жылдамдығы 3-8, күндіз екпіні секундына 15-18 метр. Ауа температурасы түнде +11...+13 градус, күндіз +25...+27 градус.
22 мамырда күн құбылмалы болады, кей жерлерде жаңбыр жауып, күн күркірейді. Жел оңтүстік-батыстан соғып, солтүстік-шығысқа ауысады, жылдамдығы 3-8, екпіні секундына 15-18 метр. Ауа температурасы түнде +13...+15 градус, күндіз +20..+22 градус.
Қазақстанда нөсер жауады
Синоптиктер бірқатар өңірде қатты жаңбыр жауып, күн күркіреп, бұршақ және дауылды жел болатынын ескертті. 21 мамырда Қызылорда, Түркістан және Жамбыл облыстарында қатты жауын-шашын күтіледі. 20–21 мамырда солтүстік циклон әсерінен елдің солтүстігі мен шығысында күн күркіреп, бұршақ жауады және дауыл тұрады. Толығырақ осы жерден оқыңыз.
