Реклама +7(700) 388 81 09
  1. Басты
  2. Біл
  3. Жаңалықтар
  4. Ел жаңалықтары

Астаналық құтқарушылар хоккей турниріндегі жеңісті Асқар Забикулинге арнады 03 желтоқсан 2022, 11:42

Елордалық құтқарушылар хоккей турниріндегі жеңісті Асқар Забикулинге арнады, - деп хабарлайды Tengrinews.kz тілшісі ТЖМ баспасөз қызметіне сілтеме
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
  • WhatsApp
  • Қате таптыңыз ба?

Елордалық құтқарушылар хоккей турниріндегі жеңісті Асқар Забикулинге арнады, - деп хабарлайды Tengrinews.kz тілшісі ТЖМ баспасөз қызметіне сілтеме жасап.

Ведомство мәліметінше, 1-2 желтоқсан аралығында Петропавлда Қазақстан Республикасының Тәуелсіздік күніне арналған құқық қорғау органдары арасында шайбалы хоккейден республикалық турнир өтті.

Турнир айналмалы жүйе бойынша өтіп, СҚО ТЖД "Қорғау" және "Арыстан" МҚКБ командаларының жекпе-жегінен басталды. Содан кейін Ақтөбе облысы ТЖД және Астана ТЖД командаларының матчі өтті, онда елордалық спортшылар жеңімпаз атанды.

БҚО ТЖД командасы мен "Арыстан" арасындағы жарыс МҚКБ өкілдерінің жеңісімен аяқталды. Полиция департаментінің "Динамо" командасы мен Астана ТЖД өртсөндірушілері арасындағы хоккей ойындары астаналықтардың жеңісімен аяқталса, ал СҚО ТЖД мен БҚО ТЖД командалары арасындағы ойында солтүстік қазақстандықтар жеңіске жетті. Турнирдің бірінші күні Ақтөбе облысы ТЖД және "Динамо" командаларының кездесуімен аяқталды, онда полиция департаментінің командасы жеңіске жетті.

Ойынның екінші күні Полиция департаментінің "Динамо" және елордалық ТЖД-ның "Құтқарушы" командалары күш сынасып, астаналықтар жеңіске жетті. Бұдан әрі елордалық құтқарушылардың мұздағы "жекпе-жегі" СҚО ТЖ департаментінің "Қорғау" командасымен өтті, онда да "Құтқарушы" командасы жеңіске жетті.

Нәтижесінде Астана ТЖД командасы жеңімпаз атанды, екінші орынды СҚО ТЖД өкілдері, үшінші орынды СҚО полиция департаментінің командасы алды.

Еске салайық, 20 қарашада өртсөндіруші Асқар Забикулин ауруханада жан тапсырғаны белгілі болды. Дәрігерлер бірнеше күн бойы құтқарушының өмірі үшін күресті. Асқар Забикулинді Көкшетауда жақындары соңғы сапарға шығарып салды.

Бұған дейін Мемлекет басшысының тапсырмасы бойынша құтқарушы Асқар Забикулиннің отбасына үш бөлмелі пәтердің кілті табысталған болатын. Кейін Астана көшелерінің біріне өртсөндіруші Асқар Забикулиннің есімі берілетіні хабарланды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!


Join Telegram