Астаналықтар мен қала қонақтары ақылы тұраққа қанша ақша төледі. Бұл туралы "Астананың тұрақ кеңістігі" ЖШС мәлім етті, - деп хабарлайды Tengrinews.kz тілшісі.
"2023 жылы ақылы автотұрақтарға төленген қаражат 201 миллион теңге, ал бүкіл кезең бойынша 450 миллион теңге болды. Астананың 2021-2025 жылдарға арналған әлеуметтік-экономикалық даму болжамына сәйкес, елорданың көлік бағдарламасы жеке автокөлікті пайдалануды одан әрі төмендетуді және ақылы тұрақ орындарының санын ұлғайтуды көздейді", - деп хабарлады компания.
Бүгінде елордада 7300 ақылы автотұрақ бар. Мемлекеттік-жекеменшік әріптестік келісіміне сәйкес, елордада ақылы автотұрақтардың саны шектеулі, 10 мың орыннан аспайды. Автотұрақ орындарын әкімдік белгілейді.
Еске салайық, 1 қазаннан бастап сенбі, жексенбі және мереке күндері Астанада автотұрақтар ақылы болды. Автотұрақ құны сағатына 100 теңге.
Көлік құралдарын тоқтату немесе қою ережелерін бұзғаны үшін айыппұл 3 АЕК, яғни 10 350 теңге болады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!