9 желтоқсан сағат 23:30-да "Атырау облысы Су арнасы" КМК су сорғы станцияларының су алатын жерінде шәуіш пайда болып, Жайық өзеніндегі су ағыны баяулаған соң қалаға су беруді тоқтатты.
10 желтоқсан таңғы сағат 4:30-да қалалық желілерге су авариялық жағдайды болдырмау үшін төмен қысымда берілді. Бұл ретте "Атырау-Мақат" магистральдық құбыры техникалық себептерге байланысты, Береке шағын ауданына (тоғыз қабатты үйлер), Көктем, Жұлдыз - 3, Теңдік, Ақсай-1, Ақсай-2 шағын аудандарында су беруді тоқтатты.
Посмотреть эту публикацию в Instagram
"Атырау облысы Су Арнасы" КМК-нің арнайы бригадасы су сорғы станцияларындағы шәуіштерді жою жұмыстарын жүргізіп жатыр. Қазір сүңгуірлер жұмыс істеуде.
Аталған факт бойынша Атырау облысы әкімінің орынбасары Қайрат Нұртаевтың төрағалығымен оқиғаның мән-жайын анықтау үшін арнайы комиссия құрылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
