Атырау облысындағы Теңіз кен орнында бірден 90 жұмысшыдан коронавирус анықталған, - деп хабарлайды Tengrinews.kz тілшісі Жедел штабқа сілтеме жасап.
Штаб мәліметінше, 90 науқас - Теңіз кен орнындағы мердігер ұйымда жұмыс істейді. 83 ер адам мен 7 әйел адам.
Қазіргі уақытта науқастармен байланыста болғандардың барлығы анықталып, медициналық бақылауға алынды. Коронавирус ошақтарында дезинфекция жұмыстары жүріп жатыр.
Осылайша, 13 мамырдағы жағдай бойынша, Атырау облысында COVID-19 жұқтырғандардың саны 432-ге жетті, олардың 359-і - Теңіз кен орнының жұмысшылары.
Қазақстан жаңалықтары. Соңғы жаңалықтар. Telegram желісінде бізге жазыл!