+7 (777) 001 44 99
Қазақша
Русский
English
Қазақстанда аязды ауа райы 27 мен 29 қаңтар аралығында да болады, - деп хабарлайды Tengrinews.kz тілшісі "Қазгидромет" республикалық мемлекеттік кәсіпорнына сілтеме жасап.
"Қазақстан территориясына қарай жылжыған күшті антициклон ауа температурасының климаттық нормадан 8-15 градусқа төмендеуіне әкеп соқты. Түнде ауа температурасы республикада 33-39 градусқа дейін түсті, Шығыс Қазақстанның кей жерлерінде 41 градус, оңтүстік облыстарда 23-34 градус аяз. Алдағы үш күнде Қазақстанда антициклон сақталады, онымен бірге аяз да қайтпайды. Тек 29 қаңтарға таман антициклон бұзылып, Алтайға қарай жылжи бастайды, сол кезде аяз бәсеңсиді", - деп хабарлады синоптиктер.
Еске сала кетейік, бұған дейін Қазақстанда ақпан айының ауа райы аязды болатыны хабарланды. Синоптиктердің болжамынша, қыстың соңғы айында ауа температурасы нормаға сай, тек Атырау мен Маңғыстау облыстарында нормадан 1-2 градусқа төмен болады деген болжам бар. Аязды күндер әсіресе Қостанай, Батыс Қазақстан және Ақтөбе облыстарында жиі болады. Ал Алматы, Шығыс Қазақстан, Оңтүстік Қазақстан, Маңғыстау және Қызылорда облыстарында жауын-шашын көп түседі. Синоптиктердің хабарлауынша, Қарағанды мен Павлодар облыстарында аз мөлшерде жауын-шашын болады.
