Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Қазақстанда ақпан айы қарлы әрі аязды болады

22 Қаңтар 2015, 10:16
0
©st.gdefon.com
©st.gdefon.com

Қазақстанда ақпан айының ауа райы аязды болады, - деп хабарлайды Tengrinews.kz тілшісі "Қазгидромет" кәсіпорнына сілтеме жасап.

Қыстың соңғы айында ауа температурасы нормаға сай, тек Атырау мен Маңғыстау облыстарында нормадан 1-2 градусқа төмен болады деген болжам бар. Аязды күндер әсіресе Қостанай, Батыс Қазақстан және Ақтөбе облыстарында жиі болады. Ал Алматы, Шығыс Қазақстан, Оңтүстік Қазақстан, Маңғыстау және Қызылорда облыстарында жауын-шашын көп түседі. Синоптиктердің хабарлауынша, Қарағанды мен Павлодар облыстарында аз мөлшерде жауын-шашын болады. 

Бұған дейін хабарланғандай, 23 қаңтарға дейін Қазақстанның барлық аумағында қалың қар жауып, боран соғады, тұман түсіп, көктайғақ болады. Еліміздің солтүстігінде ауа температурасы 25-27 градусқа дейін төмендеп, оңтүстікте 7-13 градусқа дейін аяз болады. Соңынан арктикалық антициклондардың әсерінен "Крещение аязы" бір аптаға кешігіп келеді. Бұл кезде еліміздің барлық аумағында жауын-шашын тоқтайды. Ауа райы республика бойынша жауын-шашынсыз болғанымен, солтүстіктегі ауа температурасы 30-35, кей жерлерде 43 градусқа дейін төмендейді. Еліміздің оңтүстігінде 20-25, кей жерлерде 30 градус аяз болады.

Еске сала кетейік, соңғы кездері Қазақстанда нормаға сәйкес келмейтін жылы күндер сақталып, соның әсерінен Алматыда ерекше табиғи құбылыс - қарлы найзағай болды. 15 қаңтар күні таңертең ауа температурасы күрт төмендеп, конвективті бұлтты ауа райы байқалды. Жылы ауа мен суық ауаның қатынасынан электр байланысы болып, найзағайдың күркірі естілді.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай