Үсікке байланысты Қазақстанның үш облысында ескерту жарияланды, - деп хабарлайды Tengrinews.kz тілшісі "Қазгидромет" кәсіпорнына сілтеме жасап.
14 қазанда Оңтүстік Қазақстан облысының таулы аймақтарында жауын-шашын түсіп, жаңбырдың арты қарға айналады. Сонымен қатар, түнгі ауа температурасының төмендеуі күтіліп отыр, түнде 1-6 градус жылы, кей жерлерде 1-6 градус суық, күндіз 7-12 градус, кей жерлерде 15 градус жылы болады.
"15-16 қазанда Жамбыл, Алматы облыстарының кей жерлерінде жауын жауып, 15 қазан күні түнде таулы аймақтарда жаңбырдың арты қарға айналады. Түнде 2-7 градус жылы, кей жерлерде 3 градус суық болады, ал күндіз 8-13, кей жерлерде 16 градус жылы болады", - дейді синоптиктер.
