Ауа райы: Оңтүстікте күндізгі температура 38 градусқа көтеріледі

13 Мамыр 2015, 11:39
0
Ауа райы: Оңтүстікте күндізгі температура 38 градусқа көтеріледі - © zn.ua
© zn.ua
Ауа райы: Оңтүстікте күндізгі температура 38 градусқа көтеріледі -

Еліміздің оңтүстігінде күндізгі ауа температурасы 38 градусқа дейін көтеріледі, - деп хабарлайды Tengrinews.kz тілшісі "Қазгидромет" кәсіпорнына сілтеме жасап.

Синоптиктердің 14-16 мамырға арналған ауа райы болжамына сәйкес, Каспий теңізінде қалыптасқан циклон осы күндері Қазақстан аумағы бойынша солтүстік-шығыс бағытында жылжитын болады. Осы циклонмен және онымен байланысты атмосфералық фронттармен республиканың көптеген облысында найзағайлы өткінші жаңбыр жауады.

"16 мамырда жаңбыр кей жерлерде қатты жауады. Ауа температурасының шамалы ауытқуы күтіледі, оңтүстік облыстарда ыстық төмендейді. Егер 14-15 мамыр оңтүстікте күндіз термометр көрсеткіші 30-38 градусқа дейін көтерілсе, 16 мамырда температура +22-28 градусқа дейін түседі", - деп хабарлады метеорологтар.

Еске сала кетейік, бұған дейін синоптиктер Қазақстанның солтүстігінде 3 градусқа дейін суық болатынын хабарлады. Қазақстан аумағына батыстан келген циклон республиканың көптеген облысына жаңбыр әкелді. 9 мамыр оның әсері өзгеріссіз қалды, ал онымен бірге найзағайлы және екпінді желі бар өткінші жаңбыр сақталды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай