1. Басты
  2. Біл
  3. Жаңалықтар
  4. Ел жаңалықтары

Ауа райының қолайсыздығына байланысты 5 облыста ескерту жарияланды

Иллюстрациялық сурет: pixabay.com Иллюстрациялық сурет: pixabay.com

Еліміздің бес өңірінде 28 маусымда күшті жел мен найзағайға байланысты ескерту жарияланды, - деп хабарлайды Tengrinews.kz тілшісі "Қазгидромет" РМК орталығына сілтеме жасап. 

Қызылорда облысында батыс, оңтүстік-батыстан соғатын жел екпіні секундына 15-20 метрге дейін күшейеді. Таңертең және күндіз кей жерлерде күн күркірейді.

Қостанай облысында күндіз кей жерлерде жауын жауып, найзағай ойнайды, тұман түседі, бұршақ жауады. Оңтүстік-батыстан соққан желдің екпіні секундына 15-20 метрге дейін күшейеді. Қостанайда таңертең және күндіз күн күркіреп, оңтүстік-батыстан желдің екпіні секундына 15-20 метр болады.

Петропавлда күндіз найзағай мен дауыл соғады. Солтүстік-батыс желі оңтүстік-батысқа ұласып, жылдамдығы 15-20 метрге дейін, күндіз екпіні секундына 25 метрге дейін күшейеді.

Көкшетауда күндіз батыстан және оңтүстік-батыстан жел секундына 15-20 метрге жетеді.

Ақтөбе облысында кей жерлерде күн күркіреп, бұршақ жауады. Синоптиктер оңтүстік-батыстан және батыстан соғатын жел секундына 17-22 метрге дейін күшейеді деп болжады.

Еске салайық, бірқатар қалада осы демалыс күндері карантин шаралары күшейтілді. Қалалықтарға мүмкіндігінше үйде отыруға кеңес берілді, сонымен қатар, тіршілікті қамтамасыз ететін салалардан басқа барлығының жұмысы тоқтатылды.

Қазақстан жаңалықтары. Соңғы жаңалықтар. Telegram желісінде бізге жазыл!