Ауа райының қолайсыздығына байланысты Қазақстанның үш аймағында жол жабылды, - деп хабарлайды Tengrinews.kz тілшісі "ҚазАвтоЖол"-ға сілтеме жасап.
Ұлттық компанияның мәліметінше, шектеулер Ақтөбе, Қарағанды және Қостанай облыстарында енгізілген.
"Ақтөбе облысында Т.Жүргенов ауылынан Қостанай облысының шекарасына дейінгі учаскеде Қарабұтақ - Комсомольское - Денисовка - Рудный - Қостанай автожолында, атап айтқанда 89-шы километрден 234-ші километрге дейін автокөліктің барлық түрлері үшін қозғалысқа шектеу енгізілді.
Қарағанды облысында Екатеринбург - Алматы автожолында, атап айтқанда 1610-1854-ші километр аралығында, Ақсу-Аюлы кентінен Балқашқа дейінгі учаскеде жүк және қоғамдық көлік түріне арналған қозғалысқа шектеу енгізілді.
Қостанай облысында Қарабұтақ - Комсомольское - Денисовка - Рудный - Қостанай автожолында, атап айтқанда 234-ші километрден 386-шы километрге дейін, Ақтөбе облысының шекарасынан Денисовка кентіне дейінгі учаскеде автокөліктің барлық түрлері үшін қозғалысқа шектеу енгізілді", - деп хабарлады "ҚазАвтоЖол".
Сілтемесіз жаңалық оқисыз ба? Онда Telegram желісінде парақшамызға тіркеліңіз!