Ауғанстанда ұсталған содыр Атырау облысының тумасы болып шықты

27 Қаңтар 2017, 13:58
1
Ауғанстанда ұсталған содыр Атырау облысының тумасы болып шықты - Ұсталған Абдул Матин және Дамир Зналиев © Khaama Press
Ұсталған Абдул Матин және Дамир Зналиев © Khaama Press

Ауғанстанда ұсталған лаңкестің аты-жөні анықталды, - деп хабарлайды Tengrinews.kz тілшісі. 

2017 жылдың 19 қаңтарында Ауғанстанның Сари-Пуль провинциясында ұсталған содыр Атырау облысының тумасы екені анықталды. Мұның алдында ҚР Сыртқы істер министрлігі оны Қазақстанның сұрауы бойынша Интерполдың іздестіргенін хабарлаған еді. 

"Жергілікті құқық қорғау органдары терроризм бойынша күдікті Қазақстан азаматын ұстады. Зналиев Дамир Амангелдіұлы 1989 жылы Атырау облысында дүниеге келген", -  дейді СІМ баспасөз қызметінің жетекшісі Әнуар Жайнақов. 

Мұның алдында Ауғанстанның солтүстігінде екі содырдың ұсталғаны хабарланған. БАҚ ақпараты бойынша, олар Қазақстан мен Өзбекстан тумалары. Содырлардың аты-жөні Демир Зенлийов және Абдул Матин деп айтылған. Оларды ұстау кезінде ауғанстандық төрт тәліп мерт болған. Тағы бір ауғанстандық жараланып, қазір қамауда жатыр. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай