+7 (777) 001 44 99
ПОДЕЛИТЬСЯ
Автобустарда қолма-қол ақша төлеу алып тасталса да алматылықтар жүргізушілерге төлеуін қояр емес, - деп хабарлайды Tengrinews.kz тілшісі. Осыған дейін Алматы билігі қоғамдық көліктерде жүру ақысын қолма-қол ақшамен төлеу 11 қаңтардан бастап алып тасталады деген шешім шығарған еді.
Автобустарда қолма-қол ақша төлеу алып тасталса да алматылықтар жүргізушілерге төлеуін қояр емес, - деп хабарлайды Tengrinews.kz тілшісі. Осыған дейін Алматы билігі қоғамдық көліктерде жүру ақысын қолма-қол ақшамен төлеу 11 қаңтардан бастап алып тасталады деген шешім шығарған еді.
Жүргізілген рейд кезінде автобустардың екі төлем терминалымен жабдықталғаны белгілі болды. Бастапқыда кейбір автобуста қолма-қол төлем 11 қаңтардан басталатынын сылтауратып, төлем жасау аппаратын өшірсе, енді терминалдар жұмыс істеп, ескі валидаторлар жойылды.
Алайда кейбір жолаушылар "Оңай" картасын әлі де алмаған, тіпті 11 қаңтардан бастап қолма-қол төлем жасауға болмайтынын білмейтіндер де бар болып шықты, сондықтар жолаушылар әлі күнге төлемді жүргізуге беріп, одан ақ қағаз алып жүр.
"Тұлпар-ОІҚ" ЖШС автопаркі қызмет көрсететін № 65 маршрутта жолақы алып тұрған кондукторлар бар. Ал "Оңай" терминалдары жұмыс істеп тұрды.
№34, 118, 120, 58 маршруттарында жүргізушілер көлік картасын уақытылы толтырмаған жолаушылардан ақша алып отырды. Жүргізген рейдіміздің барысында бірде-бір тексеруші болмады. Ал аялдама маңындағы дүңгіршіктерде әлі күнге "Оңай" картасын сатып алу мүмкін болмай отыр.
© Василина Атоянц
