Астанада цирк маңы абаттандырылып жатыр. Мұнда 12 жылдан астам уақыт бойы жөндеу жұмыстары жүргізілмеген. Нақты не өзгертілетінін Тengrinews.kz ұсынған материалдан оқи аласыздар.
Егер сіз Астанада бұрыннан тұрсаңыз немесе мұнда жиі болсаңыз, елордалық цирктің бір кездері жергілікті тұрғындар, әсіресе балалар арасында танымал орын болғанын білетін шығарсыз.
Елордадағы цирк 2005 жылы ашылды. «Ұшатын тәрелке» пішініндегі бірегей ғимарат қаланың бойтұмарына айналды.
2008 жылы цирк ғимаратының жанында қоғамдық кеңістік абаттандырылып, субұрқақ, түрлі инсталляциялар мен мүсіндер орнатылып, астаналықтардың серуендеп, балаларымен уақыт өткізуі үшін ағаштар егілді.
Фото: Tengrinews.kz/Нұрлан Алжабаев
Алайда кейінгі жылдары бұл аумақ ұмыт қалғандай күйде болды.
Фото: Tengrinews.kz/Нұрлан Алжабаев
Фото: Tengrinews.kz/Нұрлан Алжабаев
Осы маңнан өтіп бара жатқан Tengrinews.kz тілшісі цирк маңында жөндеу жұмыстары жүргізіліп жатқанын байқады.
Фото: Tengrinews.kz/Нұрлан Алжабаев
Аумақ қазылып, ескі төсеніштер алынып жатыр, ал оның жанында құрылыс материалдары тиелген тұғырлар тұр.
Фото: Tengrinews.kz/Нұрлан Алжабаев
Фото: Tengrinews.kz/Нұрлан Алжабаев
Нұра ауданы әкімдігінің мәліметінше, цирк маңындағы төсеніш тастар 2008 жылдан бері ауыстырылмаған. Көптеген учаскеде олардың расымен де тозығы жеткен.
Фото: Tengrinews.kz/Нұрлан Алжабаев
Қазіргі уақытта жұмыстар 9 гектардан астам аумақта жүргізіліп жатыр және жаздың соңына дейін аяқталуы тиіс.
Фото: Tengrinews.kz/Нұрлан Алжабаев
Нысанның паспортына сүйенсек, мұнда төсеніш тастарды ауыстыру, жарықтандыруды жақсарту және әйгілі субұрқақты қалпына келтіру көзделген.
Фото: Tengrinews.kz/Нұрлан Алжабаев
Бұдан бөлек, аудандық әкімдіктің хабарлауынша, аумақта жаяу жүргіншілер жолдары ауыстырылып, демалыс аймақтары мен тұрақ жабдықталады.
Фото: Tengrinews.kz/Нұрлан Алжабаев
Сондай-ақ жаңа жарықшамдар орнату, ағаштар мен бұталар отырғызу, көгал төсеу және заманауи орындықтар, қоқыс жәшіктері мен басқа де абаттандыру элементтерін қою жоспарланған.
Фото: Tengrinews.kz/Нұрлан Алжабаев
Жұмыстар аяқталғаннан кейін бұл аумақ елорда тұрғындары мен қонақтарының серуендеуі мен демалуына барынша қолайлы болуы тиіс.
Фото: Tengrinews.kz/Нұрлан Алжабаев
Фото: Tengrinews.kz/ Нұрлан Алжабаев