Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.70
EUR / KZT - 389.99
CNY / KZT - 49.72
RUB / KZT - 5.59

Бас прокурор экстремистердің жастарды өз қатарына қалай тартатынын айтты

30 Қыркүйек 2016, 13:14
0
Сурет ҚР Бас прокуратураның баспасөз қызметінен
Сурет ҚР Бас прокуратураның баспасөз қызметінен

ҚР Бас прокуроры Жақып Асанов Ақтөбе облысының жастарын жаман әдеттерден сақ болып, қауіпті идеологиялардың қармағына ілініп кетпеуге шақырды, - деп хабарлайды Tengrinews.kz тілшісі.

"Экстремистер әлсіз, санасы қатпаған еліктегіш жастарды қатарына тартады. Ақша беру арқылы сенімге кірген жайттар да аз емес. Ары қарайғы оқиға қалай өрбитіні белгілі. Сананы улап, қолға қару береді де қылмысқа итермелейді. Өздері терактіні сырттан бақылап отырады, сөзге сенгіш жастарды өлімге итеріп, оларды нысанаға айналдырады", - дейді аймақ оқушыларымен кездесу барысында Жақып Асанов. 

Ол ақтөбелік жастарды экстремизм мен терроризм жақтастарынан аулақ болуға шақырды. 

"Болашақта бұл мәселе шешімін табады. Бұл зұлымдыққа бүкіл әлем қарсы тұрып, көзі жойылады. Бірақ оған дейін көптеген адам терроризм құрбаны болар. Әркім де қателеседі. Жастар максимализмге жақын келеді", - деп ойын білдірді прокурор.

"Сондықтан да біз осындамыз, оның алдын алуға, себебін түсіндіруге, жастарға дұрыс бағыт беру үшін. (...) Сіздер әлі жассыздар. Бірнеше жылдан кейін ересек өмірлеріңіз басталады. Болашақтарыңызды бүгіннен бастап ойлап, жамандық атаулыдан алыс жүріңіздер", - деп атап өтті Жақып Асанов.

Айта кетейік, Жақып Асанов Елбасының тапсырумен Ақтөбеге барды. Бас прокурормен бірге аймаққа екі жүзден астам барлық орталық мемлекеттік органдар мен мемлекеттік емес ұйымдардың мамандары келді. Олар Ақтөбе облысының әлеуметтік-экономикалық мәселелерін шешу жолдарын қарастырмақ.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай