Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Байланыс операторларына зиянды контенттерді шектеу міндеттеледі

07 Тамыз 2014, 15:10
0

Байланыс операторларына балаларды олардың денсаулығы мен дамуына нұқсан келтіретін ақпараттардан қорғау міндеттеледі, - деп хабарлайды Tengrinews.kz тілшісі өзінің ресми сауалына жауап қайтарған Байланыс және ақпарат агенттігі төрағасының орынбасары Дмитрий Голобурдаға сілтеме жасап. (6 тамыздан бастап, агенттік Ұлттық экономика министрлігі құрамына енді - Авт.)

Қазір Қазақстанда дамыған мемлекеттердің (АҚШ, Ұлыбритания, Франция, Германия, т.б) тәжірибесі бойынша мәжілісмендер қолға алған "Балаларды олардың денсаулығы мен дамуына нұқсан келтіретін ақпараттардан қорғау мәселелері бойынша Қазақстанның кейбір заңнамалық актілеріне өзгертулер мен толықтырулар енгізу туралы" заң жобасы жасалып жатыр.

"Заң жобасында Интернет желісіне қолжетімділік қызметін ұсынатын байланыс операторларында балалардан олардың денсаулығы мен дамуына нұқсан келтіретін, соның ішінде, порнографиялық сипаттағы ақпараттарды шектейтін техникалық және бағдарламалық мүмкіндіктердің болу міндеттілігі қарастырылады. Мұндай техникалық және бағдарламалық мүмкіндіктерді қолдану абоненттің келісімімен іске асырылады. Интернет желісіне қоғамдық қолжетімділік қызметін ұсыну кезінде техникалық және бағдарламалық мүмкіндіктерді қолдану абоненттің келісімінсіз міндетті түрде іске асырылады", - деді ол.

"Ұсынылып отырған шаралар ұлттық ақпарат кеңістігінің Қазақстанның заңына қайшы келетін контенттерден қорғалу мүмкіндігін арттырады", - дейді Голобурда.

Бұған дейін елімізде балаларға порносайттардың қолжетімділігін жою амалдарының қарастырылып жатқаны хабарланған еді. 2014 жылдың тамызында елімізде наурыз айынан бері 500-ге жуық ресурстың жабылғаны белгілі болды. Шенеуніктер бұл шараның біржолғы жаппай науқан емес, заңға қайшы контенттерді анықтау жөніндегі жүйелі іс екенін түсіндірді. 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай