1. Басты
  2. Біл
  3. Жаңалықтар
  4. Ел жаңалықтары

Bek Air ұшағы апаты: әйелді денесімен жауып қалған жігіттің әңгімесі

  • 1
Темірлан Қадауов. Cурет: Facebook/ Әсем Жәпішева Темірлан Қадауов. Cурет: Facebook/ Әсем Жәпішева

Гүлім Әкішеваның отбасы - Алматы маңында Bek Air ұшағымен болған апатта аман қалған. Оның туысы Әсем Жәпішева Facebook желісіндегі парақшасында ұшақтағы жолаушы Темірлан Қадауовтың жанкешті әрекеттері туралы жазған, - деп хабарлайды Tengrinews.kz тілшісі. 

Гүлім Әкішева мен Темірлан Қадауов ұшақта көрші отырған. Әйелдің құрсағында 5 айлық бала бар екен. 

"Біздің батырымыз Темірлан өзінің денесімен Гүлімді жауып қалып, апаттан кейін оған ұшақтан шығуға көмектесіп, қауіпсіз жерге апарды, қалған жолаушыларға да көмектесе бастады. Темірлан - жарақатына қарамастан, өзінің батыл әрі батыр кейпінде қалып, нағыз ер адамның үлгісін көрсетті. Біз, Гүлімнің туған-туыстары Темірланға және оның ата-анасына алғысымызды білдіргіміз келеді", - дейді Гүлім Әкішеваның жақындары.

Еске салсақ, Bek Air ұшақ 27 желтоқсанда Алматы облысында апатқа ұшырады. Салдарынан 12 адам қаза тапты, бортта 93 жолаушы болған.

ШҚО-да ұшақ өртенді