+7 (777) 001 44 99
ПОДЕЛИТЬСЯ
Қазақстанда бензиннің бағасы жылдың ортасына (маусым айы - авт.) дейін көтерілмейді, деп хабарлайды kaz.tengrinews.kz тілшісі мұнай және газ министрі Ұзақбай Қарабалинге сілтеме жасап.
Қазақстанда бензиннің бағасы жылдың ортасына (маусым айы - авт.) дейін көтерілмейді, деп хабарлайды kaz.tengrinews.kz тілшісі мұнай және газ министрі Ұзақбай Қарабалинге сілтеме жасап.
Оның айтуынша, Қырғызстандағы бензин бағасының қымбаттауына қарамастан, Қазақстандағы жағдай әзірше өзгермейді. "Оларда мұнай өңдеу зауыттары жоқ. Бізде бар. Оған қоса, Ресейден қосымша мұнай өнімдері жеткізіледі. Сондықтан бізді Қырғызстанмен салыстыруға болмайды", - деді Ұ.Қарабалин Үкіметтің бүгінгі отырысы аясында.
Министр атап көрсеткендей, бензиннің бүгінгі бағасы жылдың ортасына дейін сақталады. "Девальвациядан кейін Ресейден жанар-жағар май тасыған пысықайлардың саны күрт азайды. Себебі ол кәсіп тиімсіз болып қалды. Сондықтан бұл жұмысты "ҚазМұнайГаз" компаниясы өз мойнына алып отыр. Әрине, ол үшін тиімсіз болады. Дегенмен, бағаны ұстап қалу үшін солай істеуге тура келеді. Оған қоса, тиісті тапсырма бар. Ал оны орындау қажет", - деп атап көрсетті министр.
