15 желтоқсан 2021 13:38

БЖЗҚ басшысы жастарға жеткілікті шек деңгейі неге жоғары екенін түсіндірді

Дина Шарипханова Корреспондент

ПОДЕЛИТЬСЯ

Фото:elements.envato.com Фото:elements.envato.com

БЖЗҚ басшысы Жанат Құрманов жастар үшін жеткілікті шек деңгейі неге жоғары екенін түсіндірді, - деп хабарлайды Tengrinews.kz тілшісі.


БЖЗҚ басшысы Жанат Құрманов жастар үшін жеткілікті шек деңгейі неге жоғары екенін түсіндірді, - деп хабарлайды Tengrinews.kz тілшісі.

Ол минимал жеткілікті шек деңгейін анықтау кезінде елдің бірқатар әлеуметтік-экономикалық көрсеткіштері, соның ішінде бірқатар параметрлер ескерілетінін түсіндірді.

"Шынында да, азаматтарды минимал жеткілікті шек толғандырады. (...) Ең бастысы, оны анықтау кезінде болашақта алатын зейнетақы ескеріледі. Осыны ескере отырып, Үкімет қаулысымен бекітілген әдістемеге сәйкес, тұрғын алатын болашақ зейнетақы 64 пайызға ұлғайтылады. Осыған сәйкес жеткілікті шек деңгейінің ең төменгі шегі кем дегенде 64 пайызға ұлғайтылды.

Бұл ретте жастарға зейнеткерлікке дейін ұзақ уақыт бар. Сондықтан олар алатын төлемдер инфляцияға қосымша индекстеліп, болашақтағы инвестициялық кіріс есепке алынады", - деді Құрманов.

БЖЗҚ басшысының айтуынша, жаңа шекті межелер халықтың болашақта лайықты зейнетақы алуын қамтамасыз ету үшін жасалған.

Құрмановтың айтуынша, кейбір 20 жастағы қазақстандықтарда зейнетақы жинағын алуға мүмкіндік бар, алайда БЖЗҚ басшысы нақты статистиканы келтіре алмады.

Ол жеткілікті шекті анықтау әдістемесі барлық мемлекеттік органдардың қатысуымен әзірленгенін айтты.

"Үкімет жанынан жұмыс тобы құрылды. Үкімет қаулысы 2021 жылдың қаңтарында бекітілген. Оны әзірлеуші - ​​мемлекеттік органдар. Үкімет әзірледі. НҚА әзірлеу кезінде нақты адамдар емес,  зейнетақымен қамсыздандыру саясатын айқындайтын мемлекеттік органдар қатысады. Негізгі әзірлеуші, өздеріңіз білетіндей, Еңбек министрлігі саналады", - деді Құрманов.

Оның мәліметінше, 582 мың адам 2022 жылдың 1 сәуірінен бастап күшіне енетін жаңа мөлшерлеме бойынша зейнетақысын пайдалана алады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram

Валюта бағамы

 449.57   483   4.85 

 

Ауа райы

 

Редакция Жарнама
Социальные сети